Ойуур-толоон ото-маһа

Оһуор күөххэ сууламмыт.

Оонньуур долгун уотун ыһа,

Улуу үрэх ууламмыт.

Сыламныыбыт сылаас куҥҥэ

Сылаабытын таһаара,

Көччүйэбит күөх сирэмҥэ

Көрбүт – нарбыт ыраата.

Көрүҥ эрэ, көрүҥ бары –

Көрдөөх саҥа соруйар.

Көтөр былыт көмүс сабы

Күнтэн сиргэ субуйар.

Күннээх турар уонна ардыыр,

Көстүү киэнэ кэрэтэ!

Халлаан ытыыр, халлаан ыллыыр

Хаарыан кэмэ кэллэҕэ.

Хас биир түгэн уларыйар

Халлаан өҥө-дьүһүнэ.

Туой диэн миэхэ ону ыйар

Доҕор киһим, дьүһүйэ.

Ойуур-толоон ото-маһа

Оһуор күөххэ сууламмыт,

Оонньуур долгун уотун ыһа,

Улуу үрэх ууламмыт.