Саҥа ыаллар үөскүүллэр,

Саҥа дьиэлэр тутуллаллар.

Саҥа маннык көстүүлэр

Саха дьонун долгуталлар.

***

Сымала сытынан дыргыйар,

Сылаастык отун да быргыйар,

Саҥа дьиэ, саҥа дьиэ барахсан,

Сахалыы тылынан алгыстан,

Саҥа дьиэ, саҥа дьиэ барахсан,

Саас үйэ дьол-соргу аргыстан!

***

Оҕолорбут төрүүллэр,

Урааҥхайы ууһаталлар.

Оннук улуу үөрүүлэр

Олохпутун уһаталлар.

***

Сымала сытынан дыргыйар,

Сылаастык отун да быргыйар,

Саҥа дьиэ, саҥа дьиэ барахсан,

Сахалыы тылынан алгыстан,

Саҥа дьиэ, саҥа дьиэ барахсан,

Саас-үйэ дьол-соргу аргыстан!

***

Аман өспүт барыта

Алаһа дьиэбит, аал уоппут –

Алаастары сырдата,

Айа тута олоруохпут.

***

Сымала сытынан дыргыйар,

Сылаастык отун да быргыйар,

Саҥа дьиэ, саҥа дьиэ барахсан,

Сахалыы тылынан алгыстан,

Саҥа дьиэ, саҥа дьиэ барахсан,

Саас-үйэ дьол-соргу аргыстан!