Ыам ыйын 3 күнүгэр Россия Суруйааччыларын уонна Россия Журналистарын сойуустарын чилиэнэ, СӨ культуратын үтүөлээх үлэһитэ, СӨ үөрэҕириитин уонна бэчээтин туйгуна
Анна Егоровна Варламова — Айысхаананы кытта гериатрическай кииҥҥэ көрсүһүү буолан ааста. Кини 1952 сыллаахха Орджоникидзевскай оройуонугар Хотуччу нэһилиэгэр төрөөбүтэ.
1980 сыллаахха Саха Государственнай университетын саха салаатын бүтэриэҕиттэн идэтинэн Горнай оройуонугар, онтон кэлин төрөөбүт дойдутугар 1 Дьөппөн оскуолатыгар үлэлээбитэ. 1998 сыллаахха социальнай педагог диэн иккис идэтин ылбыта.
Билигин «Чолбон» сурунаал эппиэттиир сэкирэтээрэ. Чолбонҥо «Көмүлүөк сылааһа» рубрикаҕа суруйааччылары, поэттары кытта истиҥ-иһирэх кэпсэтиилэри ыытар. Хаҥалас, Горнай улууһун Маҕарастааҕы орто оскуолаларыгар сүрдээх үчүгэйдик саха тылын уонна литературатын учууталынан, кылаас таһынан иитии үлэтин тэрийээччинэн улэлээбитэ. Оскуолаларга үлэлиир сылларыгар «Кэнчээри» диэн литературнай кружок тэрийэн үлэлэтэр. Литератураҕа уонна журналистикаҕа үлэтин 80-нус сыллартан саҕалаабыта. 1996-2000 сылларга «Учуутал аргыһа» хаһыат редакционно-издательскай отделын методист-редакторынан үлэлээбитэ ситиһиилээхтик үлэлээбитэ.
Билигин «Чолбон» сурунаал эппиэттиир сэкирэтээрэ. Чолбонно «Кэмулуэк сылааьа» рубрика5а суруйааччылары, поэттары кытта кэпсэтии ыытар.
1987 сыллаахха народнай поэт С.П. Данилов төрөөбүтэ 70 сааһыгар аналлаах оройуоннааҕы литературнай куонкурска «Хахсаат тыал» диэн сэһэнэ бастакы миэстэни ылбыта.
1988 сыллаахтан бэчээттэнэр. Маҥнайгы «Хахсаат тыал» («Весенний ветер») диэн кэпсээннэрин кинигэтэ 1993 сыллаахха тахсыбыта.
Гериатрическай кииҥҥэ ол күн саала толору дьон мустубута. Ааҕааччыларбыт суруйааччыттан интэриэһиргиир боппуруостарын ыйыталаһан, кини олоҕун-дьаһаҕын историятын эт кулгаахтарынан истэн олус астынан тарҕастылар.
Күндү ааҕааччыларбыт олоххо куруук олох үөһүгэр сылдьыҥ, билиигитиҥ-көрүүгүтүҥ хаҥатыҥ, үүнэ-сайда туруҥ!
Валентина Рожина