Быйылгы дьыл Арассыыйа норуоттарын култуурунай нэһилиэстибэтин сылынан биллэриллибитэ. Бу чэрчитинэн Өрөспүүбүлүкэтээҕи көрбөттөр анал библиотекалара «Уйгу оһуор-ойуу» диэн брайль шириибинэн тахсыбыт уонна рельефнэй-графическай ойуулаах кинигэни Эһиги болҕомтоҕотугар таһаарар.

«Ойуу-бичик» диэн тыл саха оһуора былыргы быдан дьылларга бэлиэ быһыытынан туттулла сылдьыбытын бэлиэтиир. Ханнык баҕарар култуураҕа көстөрүн курдук, ойуу-мандар саха таҥаһыгар, киэргэлигэр түһэр бэйэтэ туспа миэстэлээх уонна аналлаах. Ол итэҕэлтэн уонна таҥас, киэргэл уопсай быһыытыттан тутулуктаах.
Бу дьоҕус үлэҕэ таҥас уонна киэргэл итэҕэлгэ ситимнээх бэлиэлэрин, ойуутун-дьарҕаатын суолтатын дьоҥҥо-сэргэҕэ сөптөөхтүк быһааран тиэрдии буолар. Ол инниттэн манна 19 үйэ таҥастарыгар, киэргэллэригэр туттулла сылдьыбыт ойуулар-дьарҕаалар киирдилэр.