Кулун тутар 29 күнүгэр Уус-Алдан улууһун В.А.Протодьяконов — Кулантай аатынан литература түмэлигэр ааҕааччылары кытта истиҥ көрсүһүү буолан ааста. Библиотека үлэһиттэрэ оҥорон таһаарар бородууксуйаларын, ол эбэтэр: «саҥарар» кинигэ, рельефнай-графическай босуобайыны, тактильнай уонна брайль сириибинэн суруллубут кинигэни сиһилии билиһиннэрдилэр. Ону тэҥэ тифлотехниканы туһаныыга консультация оҥоһулунна. Билиҥҥи сайдыылаах олоххо тоҕоостоох «Аудиокниги РБС» мобильнай сыһыарыыны ааҕааччылар олус сэҥээрэ иһиттилэр. Кэпсэтиибит кэннэ Суорун Омоллоон «Аанчык» уус-уран айымньытынан тифлокомментарийдаах киинэни бука бары сэргии көрдүлэр.

Түмүккэ, Өрөспүүбүлүкэтээҕи көрбөттөр анал библиотекалара уонна  Уус-Алдан улууһун В.А.Протодьяконов аатынан литература түмэлин кытары хардарыта сөбүлэҥ түһэрсии үөрүүлээх быһыыта-майгыта буолла.

Оксана Саввинова