Ырыа – сүрэх төлөнө
Ырыа – санаа көҥүлэ
Ырыа – дууһа иэйиитэ
Ырыа – олох аргыһа!
Ыам ыйын 18 күнүгэр “Күөх Маай ырыалара” диэн истиҥ иһирэх ырыа түһүлгэтин биэчэрэ буолан ааста. Бу күн уостан түспэт ырыалар, ону тэҥэ сана сүрэхтэммит ыллам ырыалар ылланнылар. Хайа баҕарар көлүөнэ бэйэтин кэмин арылхайдык көрдөрөр ырыалаах-тойуктаах, харахха көстүбэт кистэлэҥ күүстээх. Ол курдук бу киэһэ урукку-былыргы, аныгы кэм ырыаларынан уус уран самодеятельность актыыбнай кыттыылаахтара Петр Андреев, Августа Осипова, Захар Федоров, Галина Кычкина уонна салайааччы Алексей Калининскай киэргэттилэр.
Республикатааҕы көрбөттөр анал библиотекаларын иһинэн “Интэриэһинэй көрсүһүү”, “Киинэ эйгэтэ”, “Посиделки в библиотеке”, “Окно в мир” диэн кулууптар араас хайысханан ааҕаачылары сайыннарар сыаллаах-соруктаах үлэлииллэр. “Сайдыы” кулууп үлэтин 2011 сыллаахха бэс ыйыгар саҕалаабыта. Бу сыллар устата Алексей Кириллович – Луҥха Өлөксөйө биһиги библиотекабыт ааҕааччыларыгар саха ырыатын пропагандалыыр соруктаах араас интэриэһинэй айар куттаах дьону аҕалан, көрсүһүүлэри, кэнсиэртэри тэрийэр. Ону сэргэ мелодист быһыытынан араас көлүөнэ поэттар хоһоонноругар, бэйэтэ мелодия айбыт ырыаларын үөрэтэр-тарҕатар, культурнай-реабилитационнай центр художественнай самодеятельноһын кыттыылаахтарын репертуардара хаҥыырыгар бэйэтин сүҥкэн кылаатын киллэрдэ.
Алексей Кирилловичка түгэнинэн туһанан барҕа махталбытын тиэрдэбит! Өссө да “Сайдыы” кулууп өр сылга биһигини элбэххэ үөрэтиэ, үөрдүө, сырдыкка угуйуо диэн эрэнэбит!
Кычкина Г.М.