Аа-дьуо санаа тиһиллэр
Алып-чарай саптаах,
Албан аата иһиллэр
Айар үлэ – аптаах.
Ыарыыр-чэпчиир кэмнэрдээх;
Ыраах сылдьан эрэ,
Ыһыктыбат идэлээх
Ыллардаргын эрэ.
Саҥаттан-саҥа сапка
Санааларгын тиһиэҥ –
Caнaaҥ өссеө туолбакка,
Салгыы баран иһиэҥ.
Kөҕөрүү кэмэ
Күндээрэн-сандааран олус.
Саһарыы кэмэ
Сааһырыы кэминии курус.
Сааһырбыт киһи
Санаата оонньуур эдэрдии,
Саатар ол иһин,
Сарыалым, сандаар мичээрдии!