Коля быыкаан быраатын
Коляскаҕа соһон кэлэр-барар.
Сааскы салгын ырааһын!
Сашка төһө эрэ абыранар.
Коляскатын тохтотон
Коля арай эргиллэн көрбүтэ,
Саҥата суох олорон,
Сашката утуйан хаалбыт этэ.
Коля олус ыксаата,
Коля бэйэтэ да бэрт кырата:
Салгын сиэхтээх быраата
Тахсаат да бу утуйа сытара.
— Сашка, маамаҥ туох диэҕэй
Салгыны сиэбэккэ утуйбуккун?..
Сааскы салгын сибиэһэй!
Сашка, ыл уһугун, ыл уһугун!..