Оччолорго муҥнук-таҥнык
Олороохтоон быһыылаах,
Ийэм биирдэ улаханнык
Муҥатыйан ылбыттаах:
Бүрүллүбэт суоратым,
Иирэн биэрбэт сүөгэйим,
Ол үтүөҕэ буолбатын
Сэрэйэр мин сүрэҕим.
Түүйдэҕинэ итинник
Төннөр үһү үрүҥ ас.
Туохтан эрэ биир кэмник
Санаам миэнэ быһаҕас.
Тоҕо эрэ, тоҕойуом,
Түүлүм-битим куһаҕан.
Баҕар, арыый уоскуйуом,
Маннык таспар суланан.
Ити эрэн этэрбин
Истэи эрэ кэбис эн,
Кими да бэйэҥ кэлин
Кэлэтимэ кэмсинэи