Кыра оҕо тылынан
Кырдьык саҥарар буолан,
Кыра оҕо саҥата —
Кырдьык, дьикти барыта.
Улаатыахпар диэритин,
Оо, мин дьонум, сиэргитин
Олохтоору эһиги
Уугут көтүө элбэхтик.
Элбэх буолуо сыыһарым,
Эстэ-быста сыһарым,
Эһигинниин ол аайы
Этиһээри хаайарым.
Сити эрэн хаһан да
Сэмэлээн да, сиилээн да,
Сиирэ-халты баарынан
Сирэй-харах анньымаҥ.
Ийэлээх аҕам миигин
Итинник эрэ иитиҥ,
Эмиэ итинник кэлин
Эһигини көрүөм мин.