Сайсары эмээхсин
Саҥата бу кэлэр,
Ол иһэ истээҕин
Омоллоон да этэр.
Сайсары, Сайсары —
Сахаҕа саамай биир,
Сайсары, Сайсары —
Саамай биир ытык сир!
Үс саха уутуйан
Үөскээбит дойдута
Кыһына кыйданан
Кыыс кэрэ буолбута.
Сайсары, Сайсары,
Сайсары — кыыс аата,
Сайсары, Сайсары —
Саха баар ол аата.
Эдэркээн Сайсары
Итиннэ хаамара
Үйэ-саас тухары
Өйдөнөн хаалара.
Сайсары, Сайсары —
Сайбары ырбаахы.
Сайсары, Сайсары —
Саныаҕыҥ ырааҕы.
Өс-саас дуу ситиһэ
Үөр өстөөх киирбитэ,
Кэрэ кыыс көрсүһэ
Кэс тыллаах кэлбитэ.
Сайсары, Сайсары,
Сайсары куо алгыыр,
Сайсары, Сайсары —
Саргыны саҕалыыр.
Кини бу билигин
Кэпсэнэр ырыаҕа.
Саймаара иһилин,
Сайсары ыһыаҕа!
Сайсары, Сайсары,
Сайсары ынырар:
Бу маннык сай бары
Мустуҥ дуу, сахалар!