Бэҕэһээ хаары бурҕаҥната
Силлиэ-буурҕа өр да типтэ,
Сахалардыы этэр буоллахха,
Сата барбыт күнэ этэ.
Ханна хаһан ким өллө ити,
Кимиэхэ халлаан абарда?
Ойуун дуу, удаҕан дуу кини:
Кэрэтиитэ кэлэн барда?
Олус диэн элбэх сыллааҕыта
Оруобуна маннык баара:
Айылҕа кытта ытаабыта,
Аатырбыт уолун атаара.
Айыы дуу, абааһы дуу кини,
Аны да таайа сатыыллар.
Ол эрэн дьиҥ улуу киһини
Үөҕэллэр уонна хайҕыыллар.