Баччыр оҕо бааччайбытын
Туох да кыайан сүөрбэт үhү.
Таабырыны таайтарбытым:
Сүөгэй үүттээх чаайым үhү.
Кырдьык да! Сөбүн баҕаһын!
Бу таайыы миигин дөйүттэ:
Сөхтүм-махтайдым даҕаны
Өбүгэм мындыр өйүттэн.
Кини өр сыыйан, сыымайдаан
Айдаҕа бу тааабырыны,
Оттон мин онтон сылыктаан
Таайдым атын таабырыны.
Үйэтин-сааһын тухары
Үрэх баһын олохтооҕо
Үгүс Өлүүнү утары
Өйүнэн тыыннаах ортоҕо.