Таах хаалаллар тылларым:
Таптаабаттар кинилэр,
Таптал оонньуур кылларын
Таарыйбаккын дэһэллэр.
Тугун баҕас абатай,
Тууһаан биэрэн иһэллэр,
Таарымталыы абытай
Таптал наада дэһэллэр.
Ууруур-сыллыыр уолаттар
Ордуктарын этэллэр,
Ол да буоллар куоппаттар,
Улам чугас кэлэллэр.
Онтон тылга хаайдахха
Уоттуу кыыһа түһэллэр,
Онон, бука, таайдахха,
Олус уйан эбиттэр.