Үчүгэйиэн үрүҥ түүн —
Үрүлүйэ сырдаан түһэн!
Сылга хаһый маннык түүн,
Сылдьан хаалыах үлүмнэһэн.
Чараҥ иһэ сөп-сөрүүн,
Тахсан барыах түбэҕиттэн.
Түһэр үһү маннык түүн
Түөрэх халлаан түгэҕиттэн.
Үөрүү үөскүүр маннык түүн,
Үөскүүр киһи сүрэҕиттэн.
Ыллыыр-туойар дьон бүттүүн,
Ыллыыр тула өттүгүттэн.
Хатыҥ чараҥ сөп-сөрүүн
Хайдах эрэ түбэсиhэн
Хаамсар кини маннык түүн,
Хаамсар тыанан, үрэҕинэн.
Үчүгэйиэн үрүҥ түүн –
Үрүлүйэ сырдаан түһэн!
Киһи эрэ маннык түүн
Кэлэр-барар үгэһинэн.