Атырдьах ыйын 25 күнүгэр Анна Афанасьевна Шишигина, Өрөспүүбүлүкэтээҕи көрбөттөр анал бибилэтиэкэлэрин 1976-2000 сс. дириэктэрэ, «Снайпер Афанасий Ксенофонтов» диэн кинигэни бэлэх уунна.  

Кинигэҕэ Амма Болугуруттан төрүттээх Аҕа дойдуну көмүскүүр Улуу сэрии кыттыылааҕа, хорсун буойун, снайпер Афанасий Петрович Ксенофонтов, Анна Афанасьевна аҕатын туһунан ахтыылар, ыстатыйалар, хаартыскалар киирдилэр. Бу кинигэ Улуу Кыайыы 75 сыллаах үбүлүөйүгэр дьоһун бэлэх буолан бэчээттэнэн таҕыста.

Афанасий Петрович сэриигэ 1942 с. 42 саастааҕар ыҥырыллыбыт. Онон олоҕу билбит саастаах киһи фроҥҥа үс сыл устата үөрэммит, бэйэтэ снайпердары үөрэтэр киһи буолбут, үстэ бааһырбыт. Дойдутугар 1945 с. төннүбүт. Онтон ыла дойдуттугар, Болугурга, олорбут, сэбиэт секретарынан хас да сыл үлэлээбит.

Анна Афанасьевнаҕа, кини дьиэ кэргэнигэр бибилэтиэкэ коллективын аатыттан истиҥ махтал тылларбытын тиэрдэбит. Бу бэлэх кинигэлэрбит эрээттэрин толоруо, ааҕааччы биһирэбилин ылыа!