Халыҥ хаар суорҕанын бүрүнэн,
Сир-дойду утуйар.
Ыраах тыа мастарын үрдүнэн,
Кыыс курдук оҥосто, корүнэ,
Ый тахсан кылбайар.
Хонугар ыксаабыт ат тыына
Суол устун субуллар.
Тоҥуу хаар ньууругар сыһыыга
Толору ый ыһар көй кыыма
Көмүстүү кутуллар.
Уоскуйбут, утуйбут санаалар
Эмискэ тиллэллэр,
Санаалар, чаҕылхай санаалар
Сааскы күн кэриэтэ, сандаара
Бииртэн биир кэлэллэр.