НОРУОТ ОСТУОРУ ЙАЛ АРА
Араас диэн остуоруйалар
Аан дойдуга толорулар,
Олортон саамай баайдара
Норуот остуоруйалара.
Бэртээхэй остуоруйалар
Бэрт элбэхтик айыллаллар,
Олор төрүүр уйалара —
Норуот остуоруйалара.
Саҥа остуоруйалары
Санаатылар да айбаттар,
Айа сатааннар даҕаны,
Андерсеннар аҕыйахтар.
Бэл кэрэ остуоруйалар
Кэм ыар тыынын тулуйбаттар,
Арай ону уйуохтара
Норуот остуоруйалара.
Онон остуоруйалары,
Оҕолорго да диэн анаан,
Судургу, үйэлээх гына
Суруйарга наада талаан.
Сыппах тыл-өс арааһынан
Сытыы өйү иитиэҥ cyoҕa.
Арай санааҥ ырааһынан
Абылаан кээһиэҥ буолуоҕа.
Өрүс тааһын курдук өр кэм
Чочуллубут тыл-өс эрэ
Тыһыынча сыллартан кэлэн
Тырымныы сырдыыра кэрэ.
Oҕo аймах ол тылынан
Олорор, сайдар, ыралыыр,
Остуоруйа дойдутунан
Ол иһин таптаан айанныыр.