Ол оонньуур улдьаарар оҕону
Олоххо сүбэһит дэһимэҥ.
Оҕоҕут оҕолуу олоҕун,
Убаастыыр аатыран, кэһимэҥ.
Оҕоҕут бэл саамай өйдөөҕө
Олоҕун араарбат көрүттэн,
Олоҕу уустуктаан өйдөөбөт,
Улаатар үксүгэр үтүктэн.
Оҕону аан бастаан үөрэтиҥ,
Дууһатын долгутуҥ, байытыҥ!
Олоххо, үлэҕэ үөрэтиҥ,
Ол эрэ кэнниттэн ыйытыҥ:
Үтүөкэн быһыыны,
Үчүгэй үлэни,
Амарах сыһыаны,
Ардыгар сүбэни.