Силлиэ-буурҕа ортотугар
Сиэмэлэри олортулар:
Өрүү маннык буолбат ини,
Өйүүн, сарсын көнөр ини,
Күүстээх ардах көҥү түһүө,
Күммүт уота күлүө-үөрүө,
Үүнээйилэр бастыҥнара
Өрө анньан тахсыахтара.
Үтүө дьоннор улэлэрэ
Үчүгэйин ааһан кэрэ.
Буурҕа курдук модун тыыннаах,
Күн уотунуу көмүс кыымнаах
Сиэдэрэйкээн сибэккилэр
Сири симии сиэттиһэллэр.
Оннук биһи оҕолорбут
Олохторун оҥордорбут.
Оҕо, олох сибэккитэ,
Уолан бэрдэ буолуох этэ.