Билии бөҕөлөөх эрээри,
Билбэт ээ, билиҥҥэ диэри,
Киһи барахсан дьылҕатын
Кимиэхэ да былдьаппатын.
Хоруоллар, ыраахтааҕылар
Куоппуттара ырааттылар,
Үөрэтээччилэр, сирдьиттэр
Үгүстэрэ сирдэрдилэр.
Парламеннар, партиялар
Баһылаары айдаараллар,
Делегаттар, депутаттар
Трибунаттан өрдубаттар
Сокуоннары, ыйаахтары
Субуйаллар мунньах аайы
Киһи барахсан туһугар
Кэрэ тыл уулуу суккуллар.
Арай тыл ас-таҥас буолар
Аналлаах эбитэ буоллар,
Уйгулаах олох кэлбитэ
Олох да быданныах этэ…
Оо, билиэ дуо хаһан эрэ,
Оо, өйдүө дуо хаһан эрэ
Киһи барахсан дьылҕатын
Кэрэ тылга былдьаппытын