Өрүс мууһа эстиитигэр
Үрдүк үөрүү чааһа баар,
Oҕo-улуу истиитигэр
Ону бүгүн эн таһаар.
Улуу өрүһү одуулуу
Очуоска мин турабын,
Хараҕым хоту-соҕуруу,
Ханна барыай кутталым.
Халлаан улам күлүгүрэн,
Хара түүнүм барыйар –
Хаһан эрэ үрдүбүнэн
Халаан уута халыйар?..
Xapaҥaҕa хайа-муустар
Хабырыйса усталлар, Суулларыахтыы тыаллар-куустар Суорба таастыын тусталлар.
Өрус уута үллэр-баллар,
Үрдээн иһэр чаас аайы, Хонуохтааҕар – манна турар Кутталланар ол аайы.
Көрөр баҕа ити эрэн
Күүстээх, халаан уутунуу –
Хайдах өрүһүм эстэрин
Хаалабын мин одуулуу.
Өлүөнэ эбэ хотунум
Үрдүк очуос биэрэгэр
Будулла үллэр долгунун
Бу түүн эрэ тиэрпэтэр —
Көмүөл мууһун курдук устар
Көҥүл тыл-өс кэрэтэ
Сарсыарданан мин дууһабар Сааһыланыах да этэ!..
Уһун ууттан уһуктубут
Улуу өрүс курдук мин
Уһун кыһын улугурбут
Олохпуттан тиллэбин.
Өрүс мууһа эстиитигэр
Үрдүк үөрүү чааһа баар,
Oҕo-уруу истиитигэр
Ону бүгүн эн таһаар.