Сайын аайы соҕотоҕун
Санаам хоту буоллаҕа,
Санаам хоту буоллаҕа
Сайылыкка олоробун.
Саха омук сиэрин-туомун
Саатар онно буоллаҕа,
Саатар онно буоллаҕа
Сатыырбынан толоробун.
Салгын кут диэн, холобурун,
Саамай сөпкө буоллаҕа,
Саамай сөпкө буоллаҕа
Сааһылыыбын хоһооннорбун.
Саамай сырдык хоһооннорум,
Сахам сирин буоллаҕа,
Сахам сирин буоллаҕа
Саба көтүҥ толооннорун!
Санаам өлүө соҕотоҕун —
Саатар аҕай буоллаҕа,
Саатар аҕай буоллаҕа
Салҕааҥ, эдэр доҕотторум.
Санаам миэнэ айдын-туттун!
Санаа эрэ буоллаҕа,
Санаа эрэ буоллаҕа
Сайыннарыах олохпутун.