Саҥа дьылынан, саҥа дьолунан!
Сандаара түстүлэр сир тыыннаах уоттара.
Саҥа дьылынан, саҥа дьолунан!
Көрүнэн туоллулар харахтар уоттара.
Улахан, кыра умайар уоттар —
Ол эрэл, ол олох, ол эйэ уоттара.
Улахан, кыра умайар уоттар —
Ол бары эн дьонуҥ умаппыт уоттара.
Хараҥа-күөх харыйа иннигэр
Хаһыс эн кыһыҥҥар үктэнэн тураҕын?
Хараҥа-күөх харыйа иннигэр
Ханнык-туох санааны эн саныыр буолаҕын?
Сааскар саас эбэн, Саҥа дьыл кэллэ —
Үтүөнү, үрдүгү өйдөө дуу кэмигэр.
Суолгар суол эбэн, Саҥа дьыл кэллэ —
Оттон эн тал, онтон биир суолу кэмигэр.
Эн эдэр саас оргуйар уоҕунан
Уйгулаах уоттары умат дуу күндээрдэ!
Саҥа дьылынан, саҥа дьолунан!
Эҕэрдэ эйиэхэ, эн күҥҥэр эҕэрдэ!