Биир тылы эттэххэ
Иккиһи күүтэҕит,
Иккиһи эттэххэ
Эһиги үөрэҕит.
Кыралаан кыбыстыы
Кыаһыытын ыһаҕыт,
Сэһэннээх атастыын
Сэлэһэн бараҕыт.
Үчүгэй аан дойду
Олоҕун ырытар,
Тулаайах чуҥкуйбут
Дууһаны сылытар.
Үчүгэй дьон-сэргэ
Олоҕор кыттыһар:
Үөрүөхтэн үөрсүһэр,
Ытыахтан ытаһар.
Үчүгэй caҥapap,
Истэр да үчүгэй.
Үчүгэй саҕана –
Барыта үчүгэй.
Суох, миигин умнумаҥ
Саҥарбат күннэрбэр:
Оо, миэхэ куһаҕан
Ордук ол күннэргэ.
Мин дууһам кураанах,
Эстибит саа курдук,
Итиэннэ дьэ саарбах
Иитиллиэ сотору.
Суох, миигин умнумаҥ
Саҥарбат күннэрбэр:
Оо, миэхэ куһаҕан
Ордук ол күннэргэ.