Утуйарын ордорор киһи
Оҥоруо дуо улаханы?
Уугун хана утуйар иһин
Олорор курдуккун аны.
Субу маннык олордоххуна
Суруйбат буолар эбиккин,
Суруйан да сордонноххуна
Сонун тугу да эппэккин.
Сүрдээх суол – сүрэҕэ суох буолуу,
Суөргү көрөргө эйигин.
Буруйа суох онно оҥоһууҥ –
Онно буруйдаа бэйэҕин!
Баалатан эрдэҕим сытыыга:
Баҕарбаппын бэл туруохпун.
Хаамыахха дуу тахсан сыһыыга:
Хайдах да сатаныа суохпун.