Чоҥкуйа тоҥмут тыаларга
Эмиэ олох эргиллэр:
Улахан тибии тыаллара
Оргууй тыаһаан эрэллэр.
Ол тыа маҥан саҥыйаҕын
Устаарылар чуҥнууллар,
Онно күүс-уох аҕыйаҕын
Эбээрилэр олууллар.
Харса суох хаары бурҕата
Хантан эрэ түһэллэр,
Улуйбахтаан ылаат тута
Ойуур диэки сүтэллэр.
Көмнөх көмүс сарбынньаҕын
Онно өрө ыһаллар,
Лабаа олох сыгынньаҕын
Хаалыар диэри ыһаллар.
Оҕолор, кыыллар суолларын
Ордорбокко тибэллэр,
Онон бары оруолларын
Оонньоон манна бүтэллэр.
Үллэр үрүҥ туманнары
Үүрэн илдьэ бараллар,
Сааскы күннээх урсуннары
Сандаарыта аһаллар.
Көмнөҕө түспүт тыаларга
Көрдөөх күннэр үүнэллэр,
Улахан тибии тыаллара
Олоон манан бүтэллэр.