Аһыйбыт суорат да буоллун,
Кыйырбыт кымыс да буоллун —
Ыаҕаска кута-куталар
Ытыйан биэрэ тураллар,
Онтулара күүгэн үллэ
Көөнньө турар бэл сөрүүҥҥэ,
Ыаҕастара туоллар эрэ,
Ылан сүөккээн кэбиһэллэр.
Сайын устата ол курдук
Саар ыаҕаска мунньуллубут
Хабархай аһыы тарынан
Хааһылаан сиэһин таһынан,
Ис-тас араас ыарыылары
Эмтии-томтуу сатыыллара —
Эмиэ да ас, эмиэ да эмп
Тары эн да тардыы үөрэн!