Сарай биир баһыгар
Саамай сис маһыгар
Тигээйи уйата
Тэйгэйэн турбута.
Оҕолор көрөннөр,
Олус диэн сөҕөннөр
Тааһынан, маһынан
Табаллар быраҕан.
Тигээйи уйата
Тэйбитэ, ойбута,
Боросуут кэриэтэ
Бу түһэн кэлбитэ.
Тигээйи бөҕөтө
Тик да тик төбөҕө!
Куттаммыт уолаттар.
Куоппута буолаллар.
Ол бэл уол быһыйа
Оройо аһыйа
Ханна да ырааппат,
Хата дьэ ытаабат.
Уонунан иннэлэр
Уотунан кэйэллэр:
Уйатын үөн-көйүүр,
Оо, эмиэ көмүскүүр.