Сэгэрдэриэм, туохтан маннык
Сэттэ уоммун туоларбар,
Сиэрдээх олох суолугар
Сирдиэх курдук сананабын?
Атастарыам, туохтан маннык
Аҕыс уоммун туоларбар,
Аһыныгас буоларга
Ааттыах курдук айманабын?
Доҕотторуом, туохтан маннык
Тоҕус уоммун туоларбар,
Дьонум-сэргэм туһугар
Туойуох курдук долгуйабын?
Өйдүүбүн дуу үтүө санаа
Өрөгөйүн, үөрүүтүн?..
Үүнүҥ-сайдыҥ өрүүтүн,
Үчүгэйи эрэ санааҥ!