Көтөрдөртөн бастакынан
Көтөн кэллэ тураах:
Сылдьар тыалар бастарынан,
Дьиэттэн-уоттан ыраах.
Саҥарар сөҥ куолаһынан
Саныы-саныы: даах-даах…
Ыалдьытымсах куолутунан
Ыҥыр диир бадахтаах.
Соҕурууттан caҥa кэлэн,
Суобаһырар ини?
Бэрт сотору тэлгэһэнэн
Бэйдиэ сылдьыа кини.
Барабыайдар иилистибит
Мастарыгар түһүө,
Иһэ элбэхтик сиигирбит
Эйгэтигэр төннүө…
Тураах турааҕа өтөөхтүө,
Туох да буолтун иһин:
Туой аайы тула көтөөхтүө
Дьон-сэргэ баар сирин.