Сырдаан иһэн хараҥарар
Сырылас тымныы күннэр
Сылбыт үрдүк арҕаһыгар
Сыыйа-баайа үүнэллэр.
Аан дойду улуу тымныыта
Арыаллыыр ол күннэри.
Атаһым тоҥон, быһыыта,
Аттаннаҕа түргэнин.
Алаһа дьиэбэр хаайтаран
Ааҕабын мин түүннэри,
Арыт кэпсиибин таайтаран
Араас дьикти түүллэри.
Ол курдук мин уордаах тымныы
Охсуутуттан саһабын,
Онтон биирдэ ыллыы-ыллыы,
Оргууй таска тахсабын.
Ол аата кыһыҥны күннэр
Уорааннара сымныыллар,
Улам-улам сааскы күннэр
Унаарыйа сырдыыллар.