Убай-быраат кэриэтэ
Оскуолаҕа хаампыт
Үтүө кэммит бэлиэтэ
Өйбүтүгэр хаалбыт.
Аны олох эргийэн
Атын быһыы-дьүһүн,
Ийэ сир бит иһийэн
Кэри-куру бүгүн.
Оттон дьоно-сэргэтэ
Уота-күөһэ мөлтөөн,
Айар-тутар бэйэтэ
Аны сылдьар өрөөн.
Өрүү аантан тоһуйар
Үлэ туһа диэҥҥин,
Маннык кэмҥэ дойдугар
Бас-көс буола кэллиҥ.
Өйдөһүү да суоҕугар
Үтүө өттүн санаа,
Көнүү-тупсуу суолугар
Күүскүн-уоххун анаа!