Уораан тыыннаах күһүҥҥэ
Оһуор сайын салаллар,
Оҕолорбут бу кэмҥэ
Оскуолаҕа бараллар.
Оскуолаҕа оҕолор
Оонньоорулар барбаттар,
Оскуолаҕа оҕолор
Үөрэнээри бараллар.
Үөрэх маҥнай абылыыр,
Өйдүүгүн эн барытын.
Оҕо аймах саҕалыыр
Оннук уһун айанын.
Онтон элбиир халбаҥныыр,
Суолун-ииһин булбатах:
Науканы баһылыыр
Манан дьыала буолбатах.
Сорох тииһэ хоппокко
Судургуну баҕарар,
Ойуулууртан орпокко
Уруоктарын быраҕар.
Хааллаҕа ол наука
Ханнык эрэ хардыыга,
Сыччах төрүт култуура
Тиэрдиэн курдук сайдыыга.
Оннук үөрэх оҕоҕо
Оонньуу курдук чэпчэки,
Ол оннугар олоҕо
Уустук буолуо кэнники.
Оскуолаҕа оҕолор
Оонньоорулар барбаттар,
Оскуолаҕа оҕолор
Үөрэнээри бараллар.