Ардаҕы халлааным адьас да санаппат,
Тыала диэн лабааны хамсатар хамсаппат.
Манныкка, хаарыаны, отоннуу, дьэдьэннии
Сыһыыны, киэҥ тыаны сыыйталыыр киһи ньии!
Үчүгэй да буолуо ойуурум салгына,
Минньигэс да буолуо отонун амтана!
Мин урут кырабар ол дьикти сирдэри
Баҕардым даҕаны кэрийтээн кэлэрим
Уонна дьэ ол ону улахан диэбэтим,
Хаайтарыы диэн тугун оччоҕо билбэтим.
Ол тыаҕа, абалаах, дьаарбайан кэлиэхпин,
Биир хардыы баҕалаах миэхэҕэ билигин.