Хоhоон хайдах сурулларый?
Хайдах ол онно эппиэттээри
Сарсыардаттан киэhээҥҥэ диэри
Биир атахха турулларый?
Арааһа, эн охтубакка
Салгынтан тутуһан турҕын,
Күн аайы оннук муҥнанабын
Туһааннаах тылы булбакка.
Күүһүҥ-күдэҕиҥ баранан
Утуйар-утуйбат сытаҕын,
Эмискэ ыстанан тураҕын,
Суорҕаҥҥын ыраах бараҕан.
Түһээн дуу, илэ дуу-тута
Түргэнник суруйан бараҕын,
Сүтээри ыксатар тыллары
Ып-ыраас илиискэ кута.
Ыар таһаҕас санныгыттан
Босхолуур кумааҕыга түһэн –
Хоьоон суруллар көҥүлүнэн,
Ол эрэн — эн санааҕынан.
Ханнык эрэ тыл эн баскар
Хас уон хонукка буhан баран, Э
Этиэҕин-тыыныаҕын баҕаран
Ити курдук ойон тахсар.