Хоту сир сайынын курдук диэн
Холооһун тылларын эн истиэҥ,
Хотуну санатыы эйиэхэ
Кулгааҕыҥ таһынан киириэҕэ.
Хоту сир кумаара, куйааһа
Туохха ол холобур буолуоҕай?
Үөрэхтээх бөҕө дьон ол, биллэр,
Үгэргиир-хоһургуур инилэр…
Куһаҕан даҕаны киһигин:
Куруутун сэнэнэн иһэҕин.
Хор, хата туора дьон кэлэннэр,
Хоту сир кэрэтин этэллэр.
Хоту сир сайына кэрэтиэн!
Хомолто баар арай: кылгас диэн.
Холууллар дьиктигэ кинини,
Куһаҕан ол онно суох ини!..