Эн миигин абылаан кэбистиҥ
Аҥаардас биир сылаас көрүүгүнэн,
Ону мин кистиирбин билбэтим
Оннооҕор элэктиир күлүүбүнэн.
Эн эмиэ хаалсыбат буоларыҥ
Элэги хаадьынан төлүүргүнэн,
Ол аайы мин бүттүүн туоларым
Биллибэт долгуйуу үөрүүтүнэн.
Эн биһи олорор этибит
Эриэккэс биир түгэн күүтүүтүнэн,
Эн биһи айанныыр этибит
Эдэр саас кынаттаах көтүүтүнэн.
Эҕэрдэ буолуохтун биһиэхэ
Эриэккэс бу түгэн көстүүтүнэн,
Эҕэрдэ буолуохтун биһиэхэ
Эдэркээн сүрэхпит көрсүүтүнэн!