Эдэрдэр көрсүһээт таптаһалларын
Имэҥнэрэ көбүлүүр үксүгэр,
Бу сиргэ кинилэр дьиҥ тапталларын
Булбатах буолаллар ол түмүгэр.
Тапталлаахтар таҕылларын таһаараат,
Тапталларын сотору умналлар.
Эдэр буолан алҕаһаабыт аатыраат,
Атырдьах маһыныы арахсаллар.
Ити кэнниттэн кинилэр элбэхтик
Эргэ тахсаллар, ойох ылаллар.
Аны баҕас аргыстарын бигэтик,
Араас өттүттэн көрөн талаллар.
Ити курдук эдэр дьон эйэлэрин
Имэн эрэ көҕүлүүр күнүгэр,
Биир аналлаахтар бэйэ-бэйэлэрин
Билсибэккэ хаалаллар үксүгэр.
Орочуоттаан, ааҕан ойох-эр буолуу
Олоҕу салгыыр улуу соруктаах.
Доҕоттоор, ол эрэн тапталы булуу
Тугунан эрэ син биир ордуктаах.