Тоҕо сиидэс ырбаахынан
Туллуктанан кэлэргиний?
Тоҕо санаа ырааһынан
Туола түһэр этибиний?
Түспэтийэн баран, арыт,
Төлкөбүтүн өйдүүбүт,
Сыыһабытын-халтыбытын
Сыымайдыыбыт, көрдүүбүт.
Сааһы кытта уларыйар
Санаа эмиэ киһиэхэ
Дууһам миэнэ дураһыйар
Эмиэ, эмиэ эйиэхэ.
Ханнык эрэт эн аттыгар
Хатан-кууран бүтэрий?
Хантан күлэр харахтаргар
Хара күлүк түһэрий?
Тоҕо миигин долгутардыы,
Тохтоон көрөн ылаҕын,
Туохтан эрэ хоргутардыы,
Тохтуу түһээт бараҕын
Бу курдук эн хомолотоҕун,
Бука, миэхэ этэҕин?
Таптал маннык судургутун
Таайбат, билбэт этим мин.
Эдэр сааһым буруйугар
Эйигиттэн куотуохпун,
Эмиэ дууһам дураһыйар
Эйигинниин буолуохпун.