Айахтаах барыта билигин
Айдаарар, андаҕар биэрбиттии.
Элбэх тыл устар уу диэбиттии,
Эн иһит муударай киһини.
Үөрүүнэн истиэҕиҥ кинини,
Өрөөбүт уостарын өһүлэн,
Өй сырдыыр тылынан-өһүнэн
Өрүүтүн саҥарар киһини.
Ол ону ситиһэр туһугар
Оҥорон кэпсээбэт тугу да.
Ол кини дууһатын туруга,
Ол кини олоҕор соруга.
Хаһан да кэхтибэт кэрэни,
Ханнык да баайдааҕар ордугу,
Хаһааныаҥ дууһаҕар толору—
Эн иһит муударай киһини.