Ийэкээним эрэйдээх

Сүөгэй үүттээх чээйи мин

Сүүбүргэтэ иһэбин,

Сөхпүт харах мичээрин

Сүрэхпинэнэ билэбин.

Итии, сылаас мичээрдээх

Ийэкээним эрэйдээх.

Эстэн-быстан, айманан,

Этэрбэһим алдьанан

Эмиэ ыраах сиртэн мин

Эргиллээхтээн кэллэҕим.

Эрчим биэрэр иэйиилээх

Ийэкээним эрэйдээх.

Иҥиир сабын утаҕын

Иннэтигэр угабын:

Ийэм оһох уотугар

Этэрбэспин улларар.

Итии, сылаас илиилээх

Ийэкээним эрэйдээх.

Мин ол ааспыт кэмнэри

Мэлдьи санаан эрдэҕим,

Түһээн, илэ ол иһин

Төннөн кэлэн истэҕим.

Итии сылаас мичээрдээх

Ийэкээним эрэйдээх.